Sherrbudalla

Njeri i trashë që shtin ngatrresë. Edhe budalla, edhe ngatërrestar.

– Lene mor at sherrbudallë. S’ka lanë kend pa shti n’ngatrresë.

Shushkë

Femër e hutuar, si e hallakatur, por pa energji, e mefshtë.

– Kush mi, ajo me t’marr dashnorin? Ajo është shushkë komplet.

 

Shkalapjerdhje

Hapërdarje tangërlliku dhe shkarkim pordhësh të mbitepruara.

Shantramintra

Përshkrim i një femre të papërshkrueshme me fjalor normal.

Shkoqis

1. Sqaroj me imtësi, shpjegoj

– Ma shkoqit pak këtë muhabet?
2. Për konvertim parash, thyej të vogla, monedha

– S’kam të shkoqura për kusur

Disko shpie

Shumë të preferuara gjatë viteve ’80-’90. Ishin festa që bëheshin në shtëpinë e dikujt me rast ditëlindjeje ose edhe me sebepe idiote. Bëheshin kryesisht paradite, kur ata të shpisë ishin në punë. Karakteristike ishin prania e një majtafoni (magnetofon), që ose e kishe vetë ose e merrje me xhiro nga ai që e kishte, kaseta audio me të njëjtat këngë që qarkullonin nga dora në dorë, “çmendje” të komshinjve nga zhurma e madhe, që pasohej nga spiunlliku tek njerëzit e familjes, ponç, konjak, fërrnet, vonë edhe ndonjë Fanta ose Coca-Cola. Në disko shpie përfitoje nga rasti të puthje “dashnoren”, të zije dashnore, t’ia luaje atij që të pëlqente, t’i hidhje gocave hi cigareje në ponç që të bëheshin tapë, të luaje me shishe. Diskot e shpisë kishin nam të madh si vende ku humbej virgjëria, po kjo më shumë ishte legjendë urbane.

Sharabajgë

Femër e përdalë në shkallë sipërore, diçka si femër dylekshe, nga ato me tualet të rëndomtë, parfum tezge dhe sjellje vulgare.

Shkërdhatokraci

Fjalë e përdorur për të treguar emerimet partiake dhe nepotike në administratën publike nën petkun e meritokracisë.

Shatrapatra

Mënyrë të foluri apo të vepruari pa standard ose pa përgjegjësi (sinonim me katrapatra)

– Flet shatrapatra.

– E kanë rregulluar shatrapatra.

Shumfloksh

Përdoret për persona me shumë flokë ose në paradoks për qerosët.

– Hë mër, shumfloksh, qeke qeth, ë?

Shurrë

Femër e shëmtuar, e shpifur.

– Kush mi, ajo shurra?

Shqep

Diçka që të shpërblen pamasë, apo më shumë seç duhet.

-Hëngrëm u shqepëm!

-Ik se do t’shqep fare! (në rast kanosjeje për ta rrahur dikë)

-Do i shqepim fare sonte, keni për ta pa! (situatë në një ndeshje futbolli)

Shurrëuthull

Femër nursëze, e shëmtuar, e padurueshme.

Flokë me shtrat

Model flokësh për çuna, i preferuar në vitet ’90, me balluke në ballë, pastaj prerë pas kokës dhe me gjatësi prapa (sinonim bishtpllum)