Bllok kujtimesh

Zakonisht një fletore shkrimi, pak më e trashe se ato të detyrave, ku nxënësit e klasës shkruanin mendimet e tyre rreth teje (që përgjithësisht orientoheshin drejt komplimenteve), përmendnin ndonjë episod qesharak të përbashkët, shkruanin citate klishe dhe ngjisnin foto të prera nga revista të huaja, nuk mungonin dhe ndonjë palë buzë me buzëkuq apo zemra me stilolaps të kuq.

Përgjithësisht kryhej gjatë vitit të fundit të studimeve në shkollën përkatëse, klasa e tetë ose viti i katërt në gjimnaz. Filloi të rrallohej pas viteve ’90.

-Uaaaa po ti s’ke shkruar akoma te blloku im.
-Boje o plak ‘i bllok kujtimesh t’shkrujn’ gjithë pjeshkat e klasës.